[音樂頻道] 網友惡搞龔琳娜神曲 Twins唱《忐忑》

內地聲樂家龔琳娜首《忐忑》熱爆互聯網，成首歌唱嚟唱去都係「」、「呀」、「喲」、「噠」、「囉」幾粒音、遊走叫床同爆粗之間，加上龔琳娜七情上面嘅浮誇演繹，令《忐忑》被奉為神曲，連天后王菲都話唱唔掂，杜汶澤喺《最強囍事》企圖模仿，可惜搞笑有餘神髓欠奉。

仲以為當今世上再冇神人可演繹《忐忑》，點知 Twins居然唱得掂！原來係有網民給力大惡搞，將Twins出道多年嘅片段包括電影、MV同節目片段剪輯， Twins嘅嘴形、表情同首歌嘅歌詞夾到離晒譜，唔知情嘅真係以為Twins唱緊《忐忑》㖭！