Funny Video Tube: 12月 2011

2011年12月31日星期六

[無綫節目]《天與地》大結局搶先看

《天與地》大結局

《天與地》平行時空下的約定

《天與地》年少無知 Rock Fest

《天與地》星期日兩小時大結局預告

第29集 - 雪薇發現　丈夫失明

播出日期: 2012.01.01 (日)

兆泉在立法會外絕食多時，卻未能吸引大批傳媒關注工會所辦的工運；兆泉打算將工會辦事處解散，Alfred與Jean均依依不捨。梓恩所努力的Rock Fest’因流感來襲而告吹，只好親自將壞消息通知各樂手，眾人將Dr.Dylan的行蹤告訴梓恩。耀彬自在停車場逃走後，便躲在廉價賓館之內；耀彬仍未放下對佩玲的感情，更常常致電找她，可惜佩玲早已更換了號碼…

2011年12月30日星期五

[惡搞影片] 單車人渣，破壞單車團體的努力，最終被捕

惡男帶單車入港鐵，拒拆轆仲爆粗辱罵女職員被拘捕。

2011年12月30日，一名無知及自私的單車使用者，沒有拆轆衝入車站，不但騷擾其他乘客，大放粗口言，引來百人圍觀，這一天是香港單車界的黑暗，錯的是那種沒有受過道德教育的，自私的，單車使用者。在此我不會稱他為車手，因為他只是一個使用者，沒有體育精神，沒有想過其過其他運動員的努力，只為了自己的一介單車使用者。

資料庫

2011年12月17日，是香港單車界的一大躍進，因為經過多年來各單車團體努力，政府及港鐵終於放寬綠色交通工具-單車，乘客可攜帶已拆轆或已摺合的單車使用港鐵，香港的列車系列終於與外國先進都市(倫敦)及國家(台灣)一般，可攜帶單車登上列車，我相信，只要各車手的努力，香港可以引入單車專用車卡。

新聞報道

X你老母單車人渣喪爆粗

惡男拒拆轆　辱罵女職員單車人渣橫行港鐵 (蘋果日報) 2012-01-01

港鐵上月中放寬容許乘客攜帶已拆轆或已摺合的單車乘車，但日前一名惡男推單車入閘後堅拒拆轆，被勸阻時不斷爆粗辱罵職員。片段被放上網後，惡男即惹來單車愛好者圍攻，直斥他「無知及自私」，令單車界蒙羞。

圖襲拍片者

名為「單車人渣，破壞單車團體的努力，最終被捕」的短片，於前日被上傳至 YouTube。據片主所述，一名中年漢未為單車拆轆，就用闊閘機進入太子港鐵站，其間一女職員緊隨並要求對方拆轆，但對方卻回應：「上車拆轆都未遲啦…… X你老母」，當女職員阻止他推車落樓梯，以免弄傷乘客時，惡男再罵：「要賠㗎， X你老母」。惡男無視勸阻將單車推落荃灣方向月台，更對拍片者大罵：「你影 X完未呀？」又試圖動手施襲。惡男之後向剛趕來增援的港鐵男職員說：「畀我上車先拆轆丫嘛，都推 X咗落嚟月台」，該名一直跟隨的女職員則直言：「你未買飛之前我已經話咗畀你聽」，該男子才肯收聲。

片段引來不少單車愛好者反感，有網民直言：「返屋企先拆（轆）啦笨！」亦有網民說：「萬一地鐵收番放寬政策，日後團體仲點樣去爭取更多？」

惡男無視職員勸阻，推單車在月台往前走。

女職員指買票前已要求他拆轆。

惡男推着單車入閘，對旁邊勸阻的女職員粗言辱罵。

2011年12月29日星期四

[惡搞影片] 西鐵嬸波蘿蓋被非禮 (對話勁爆笑!!)

2011-12-28

西鐵-由屯門住紅磡方向

事件因由：因西鐵迫人，阿叔唔小心用大髀掂到西鐵嬏個"波蘿蓋"，西鐵嬏覺得被非禮，就一手打落隔離位阿叔到，因而引起話戰。

"我告你都得呀…"
"好呀…好呀…好…係!"
"痴線…"
"你有呀…?你有呀…?"
"你係咪想打架呀依家?"
"打交…打交……我唔識打交嫁…打交點樣打嫁…?"- -“
“咁你咪縮開lor, 仆街!”
“係呀…我仆街…我仆街……我仆街…係呀…我仆街…你千祈唔好仆喎……你千祈唔好仆喎……我仆咋喎你千祈唔好仆喎…你小心d喎” =.=”
最後仲要自認"係呀我有病嫁"
比著我係呀伯....都唔想同佢講野- -"成個小學生咁款= =

新聞報道

膝頭揩大髀西鐵嬸大戰粗口佬

中年男女西鐵罵戰 (蘋果日報) 2012-01-02
西鐵嬸：你膝頭非禮我大髀 (太陽報) 2012-01-02
「膝頭非禮大髀」短片笑死網民 (東方日報) 2012-01-02
大髀掂膝頭有病阿嬸喪鬧被非禮 (東周刊) 2012-01-02

2011年12月28日星期三

[MV精選] 尹光 - Mr. One

尹光 - Mr. One

主唱：尹光 (Feat. KZ)
作曲：阿源　
作詞：KZ　
編曲：Tommy Chan / 何鈞源　
監制：何鈞源
OP：WSM Music Group Ltd. (Admin by WorldStar Music Int'l Ltd.)

# 尹：跟住一齊講　尹光　尹光　跟住一齊講　尹光　尹光
跟住一齊講　尹光　尹光　尹光　尹光　尹光　尹光
跟住一齊講　尹光　尹光　跟住一齊講　尹光　尹光
跟住一齊講　尹光　尹光　尹光　尹光　尹光　尹光　Come On #

尹：你未聽過我啲歌　一定聽過我個名　未聽過我個朵　一定聽過我把聲
十四座　荷李活大酒店　Holland Bank Check
少理阿爸　你阿媽大減價　聽過未啫
嗱　咪當阿叔無料到　我唱嘢嗰陣你仲係你阿媽個肚到
可能　你會問我唱到咁鬼行　係咪踩過界　大家搞錯晒
我只係乜野千奇百怪　都唱過晒
但係成世人　都未曾搖過滾　再加埋壓韻Rap落又幾過癮
我話知個台著晒燈　定係黑忟忟
我都照樣可以帶動氣氛　I Am Number One
唔理九龍定新界　紅館定廟街
都係本住一個心態　就係令班街坊High

(重唱　#)

KZ：細路哥　唔知佢係邊個　聽完呢首歌包你會話
哇　係堅喎　無錯無錯　廟街王子咪就係佢　囉
由黑膠年代　唱到Cassette帶　CD　MP3　上網下載
話知樂壇係咪容納得到　你有你彈　佢照樣企硬　迄立不倒

* 尹：Mr. One係我係我　廟街王子係我係我
我係邊個　尹光　尹光　尹光　尹光
Mr. One係我係我　廟街王子係我係我
我係邊個　尹光　尹光　尹光　尹光 *

Come On

KZ：九十後　八十後　七十後　你哋準備好未　準備好就一齊黎　一二三四

(重唱　*2次)

2011年12月21日星期三

[驚險實錄] 將軍澳小學雞亡命遊戲

將軍澳小學雞爬上連接和明苑及天后古廟的天橋上追逐，完全不顧有可能跌死的風險。

聽說香港新生代每兩個就有一個擁有強國血統，莫非香港失傳多年的少林輕功再次由強國傳入？

2011年12月20日星期二

[有趣影片] 戀愛彈弓手追女一定要送 LV、 GUCCI嗎

童星黃美棋，長大成婷婷玉立的少女
戀愛彈弓手初回教你如何追到生日的她
故事的下文是怎樣？
我們能再見到黃美棋嗎？
那就要靠大家的反應了

大胸童星教毒男追女

童星黃美棋蛻變宅男女神 (蘋果日報) 2011-12-24

童星黃美棋曾在亞視劇《我和殭屍有個約會 II》和不少教育電視中演出，最令人留下深刻印象是在周星馳的電影《行運一條龍》中，扮演去茶餐廳買蛋撻的小芬女。不經不覺，黃美棋現已22歲，近日她還拍攝了宅男短片《戀愛彈弓手追女一定要送 LV、GUCCI嗎》。

黃美棋在《行運一條龍》中，飾演幫爺爺買蛋撻的妹妹。

片中男主角阿誠為黃美棋慶祝生日，分別送上模型和漫畫。黃美棋見到禮物後嚇了一跳，隨後阿誠在電視播出紅色跑車的畫面，更強調將來賺到錢會買一架真跑車給女方，此時黃美棋大為感動，將頭輕倚在阿誠膊頭。

轉眼22歲的黃美棋近日拍攝了宅男短片。

此片一出大受高登仔歡迎，大讚黃美棋人靚身材好，且即時將她大起底。據知黃美棋在美國留學，就讀 University of California,Berkeley（加州大學柏克萊分校）。

外部連結
維基百科：黃美棋
香港討論區：以前電視成日見到既童星 - 黃美棋依家大個女啦 (圖)

2011年12月19日星期一

[社會百態] 男人沒錢是垃圾，結婚就是一場《巨額交配》

男人沒錢是垃圾，結婚就是一場《巨額交配》

2011年12月16日星期五

[音樂頻道]《珊瑚海》滄桑小孩一定是失戀了很多次，才能唱出這樣撕心裂肺...

男孩唱失戀情歌七情上面勁滄桑 (蘋果日報) 2011-12-29

小孩子原來不只識唱以歌，唱起情歌來也一樣有板有眼，感動萬千聽眾。最近，一名內地男孩玩自拍，拍了一段名為「《珊瑚海》滄桑小孩一定是失戀了很多次，才能唱出這樣撕心裂肺...」的短片，在鏡頭前大唱情歌。

該男孩唱的《珊瑚海》，由台灣才子周杰倫與梁心頤合唱，男孩唱完男聲再唱女聲一樣掂。唱得好不好聽見仁見智，但男孩感情濃烈，不但七情上面感情十足，更散發飽歷失戀的的滄桑味道，難怪聽過的網民都激讚。

2011年12月14日星期三

[驚險實錄] 女的士司機強行駛過石壆結果!

在百德新街的士站, 一名中年女的士司機, 駕駛住一部車頭有五至六部電話嘅的士在站內排隊其間, 突然非常心急倒車強行駛過左邊石壆離開, 結果卡住在石壆上!.... 可能佢以為自己揸緊部四驅車!

2011年12月12日星期一

[有趣影片] 3歲BB..爸爸死左...yeah....

2011年12月11日星期日

[音樂頻道] 周一嶽 - 忘不了你 @歡樂滿東華

「嶽」曲弦歌東華情 @歡樂滿東華2011-12-10

周一嶽 - 忘不了你

[KTV] 周一嶽 - 忘不了你

演出嘉賓：周一嶽 (食物及衞生局局長)
演出樂團：東華三院黃笏南中學管弦樂團

食物及衛生局局長、Queen's College舊生會名譽顧問周一嶽校友，出席"歡樂滿東華2011"節目擔任演出嘉賓，與學生管弦樂團合作，演唱<忘不了你>。

大師級表演唔做局長可以做歌手表情&唱歌技巧簡直係藝術! 嶽局長你係第一個用視感影響我聽覺既人!

一曲紅爆變身巨星黑超男

忘不了你的嶽曲 (明報) 2011-12-12

一如以往，一年一度嘅《歡樂滿東華》前晚亦播足成晚，Emily睇咗一粒鐘已經有啲「吽吽哣哣」，但當食物及衛生局長周一嶽變身Alan Tam、高唱《忘不了你》時，Emily同屋企人即刻起哄。想知點解？大家上網回味吓就知喇，網民睇完佢半走音又甩拍子，就話笑到反肚兼無力，仲話要力推呢首「『嶽』曲」，要推到阿周局長做12月之星喎。
周一嶽向來鍾意表演唱歌，前晚仲有東華三院黃笏南中學管弦樂團伴奏，周局長好陶醉，不時唱到合埋眼，事後佢話自己第一次出咁大嘅場面，陶醉得嚟都好緊張。

周一嶽東華獻唱技驚網民

網民睇見佢咁落力，尤其是最後一句「我忘不……呀……了你」，就喺高登回敬佢﹕「只要我一息尚存，我忘不了你~~你~~~！」有人仲話似聽技安開演唱會，但就讚啲學生好勁，坐喺後面可以無動於中。不過Emily諗，若周局長想再幫多啲東華，除咗獻唱，批錢畀百年老醫院廣華醫院重建咪仲直接。

曾浩輝柯景騰上身

除了周局長，唔少醫生都鍾意表演唱歌，好似衛生防護中心總監曾浩輝，上個禮拜五就喺衛生署個晚宴自彈自唱《那些年》，雖然都有少少甩拍子，但就贏得唔少記者掌聲同支持，最尾仲換埋皮褸、牛仔褲，拉個女記者，扮《那些年》男女主角放天燈，搞到全場氣氛高漲，大叫「encore」。曾醫生就梗係開心到不得了，仲自爆中途換衫好趕，幾乎趕唔切拉褲鏈。

今期最爆周一嶽忘不了的「嶽」曲 (東周刊) 2011-12-12

每年《歡樂滿東華》都會有一個唱歌籌款環節，年年都係一班慈善之星霸晒呢個Solo位，好難會令人有驚喜，但今年就爆出咗一個食物及衞生局長周一嶽。

局長周一嶽由東華三院黃笏南中學管弦樂團伴奏高唱〈忘不了你〉，佢未開始唱歌時，啲音樂都叫人幾咁陶醉，但當佢一開腔，就令你成個人醒晒，皆因佢走音甩拍子之餘，仲加入咗朗誦同男高音呢兩個元素，真係令人又驚又喜。

周一嶽的「嶽」曲，即時於網上瘋傳，好多網友都話佢似技安開演唱會，亦有人話佢o既「嶽」曲比神曲更大威力，不過亦有唔少網友就力撐周一嶽很有善心，為咗籌款努力地唱下去，絕對係勇氣可嘉。