Funny Video Tube: 有線節目

2011年9月9日星期五

[有線節目] 觀眾打上有線踢館!!!

觀眾打上有線鬧爆股評人, 直播出晒街!!!

4pm 交易所直播室

青姐一走有線遭踢館 (蘋果日報) 2011-09-12

青姐（胡孟青）劈炮唔做有線後，聽講節目收視滑落，唔知係唔係新嚟條友無聲無氣，冇人壓住個場，仲居然俾個觀眾打上嚟節目踢館，狂鬧主持人兼數部份財演（財經演員）。

段片精采之處，係個觀眾起初堅有禮貌，唔該前唔該後，點知一入正題問人意見，就吓吓頂心頂肺，插到應晒，仲要開名抨擊個別股佬誤導投資者，話亂咁評論唔怕有報應咩。兩個主持即時「O」嘴，被殺個措手不及，有線主持要立即cut電話迴避。

坦白講，華華覺得嗰位觀眾無證無據，指控人哋先唱好、後沽空，做法的確唔妥。但相信呢位康小姐，應該中咗好多次招，仲係大大鑊嗰隻，先會累積到咁大怨氣，打上台控訴。

警惕財演薦股小心

或者今次可藉此向財演起警惕作用，雖則投資者最終要為自己投資決定負責，但無論在電台、電視台或報紙專欄上畀投資意見嘅專家，畀意見前拜託先做好功課，唔好見高唱、見低踩。不過，如果當時青姐仲在場，華華相信唔會俾聽眾「狂小」，起碼會還拖互片，有線今次可謂賠了夫人又折兵了！