[惡搞影片] 港女比阿SIR抄牌 叫已死親屬算帳!?

港女比阿SIR抄牌 叫已死親屬算帳!?


港女比阿SIR抄牌 叫已死親屬算帳!? 打直版


新聞報道

拜山惡港女 託先人鬧差人


拜山被抄牌 港女叫先人「做嘢 (蘋果日報) 2011-05-25

網上近日瘋傳一段「拜山被炒（抄）牌港女叫先人算脹（賬）」的影片，一輛的士於大潭道雙白線掉頭被警察截停抄牌，前座女乘客用手機將過程拍下時，不斷絮絮念：「媽咪呀，有人唔畀我哋去拜你哋……認住佢哋係交通警，泉下有知，今晚一定要好好招呼佢哋。」影片放上網後，即惹來大批網民狂轟，認為警察抄牌合理，女事主要先人幫手，是「失禮死人」，而將影片放上網更是自招其辱。

網民一面倒支持警方

該影片最先以「惡警奇遇記」為題，於前日黃昏被放上YouTube，瞬即引起網民熱烈討論，貼文者數小時後已將影片刪去，但有網民早已備份，並繼續在網上流傳，事件在香港討論區及高登討論區均成為熱門話題，網民一面倒支持警方，又形容女事主是橫蠻無理惡港女。

網民又聲討女事主，「警察合理地抄牌，的士是蓋旗接送自己親人去拜山，雙白線調頭給警察抄牌，但女乘客竟然話叫死鬼亞媽找警察尋仇」、「家下香港真多刁民，自己做錯嘢話人哋留難自己」、「自己攞來衰，唔影都可能冇事，影咗你實有事啦，仲要講咁多嘢，唔玩你都唔得啦」、「Well Done兩名警察，不向惡勢力低頭，Salute！」

據悉，事發現場是港島大潭道與石澳道交界，港島交通部執行及管制組人員較早前於上址執勤，其間發現一輛紅色的士在雙白線掉頭，交通警將車截停發告票。當警員向司機解釋違規事宜，車頭女乘客拿出手機拍攝抄牌過程，當鏡頭影到警員樣貌時，拍攝者突念念有詞：「媽咪、細佬仔、和尚仔，你哋三個喺下面陰間聽到啦，有人唔畀我哋拜你哋，你哋要認住呢個人，係交通警……實有報應o架。」

其間男司機亦附和：「我哋三個冚家產（已死），仲要抄牌，多謝你阿Sir。佢哋喺下面會識做，有報應嘅！」兩人一唱一和，不斷向先人「告狀」，又稱「今晚一定要好好招呼佢哋（警察）。」

同袍讚表現克制EQ高

警察員佐級協會主席黃程讚揚事件中警員表現克制：「若果無影響其他人或擾亂公共秩序，一般都唔會理，做警察亦唔信有鬼神之說，同事EQ高，應該唔介意。」該會前主席鍾錦華於交通部服役多年，他指前線警員抄牌時常遇司機「發爛渣」辱罵，但都是第一次聽到「借先人過橋」事件。


女乘客拍下交警向司機抄牌過程，不斷與先人對話，又稱交警阻其拜山會有報應。